04 12 11 09:27Juleverkstad
Vi minner om juleverkstaden på skulen i dag (søndag 4.12) kl 14.00.Atle - Ingen kommentarar
09 11 11 14:02BYGDAKVELD
Det vert bygdakveld på Mardal skule
søndag 13. november kl. 20.00
Program:
Tale ved Sjur Atle Austrheim
Musikk med Grannelaget
Kaffi/mat/åresal/bordkonkurranse
Vel møtt gamal som ung
- Bygdakveldkomiteen -
SveinOve - Ingen kommentarar
05 11 11 08:07Julenummer Buktabladet
Vi ynskjer stoff til julenummeret også i år, som om du har noko på hjartet tek vi gjerne imot. Vi set innleveringsfristen til utgangen av november, og du kan sende inn stoff, helst i word-format, til mi epostkasse: atle.soreide@enivest.net.Atle - Ingen kommentarar
14 10 11 16:23Basar på Mardal skule
Søndag 16. oktober kl. 16 er det klart for årets krinsbasar i Bukta. Vi håpar at mange vil ta seg tida til å møtast denne dagen, og vi kan freiste med god mat og drikke i tillegg til flotte vinstar og god stemning.
Vi reknar med å avslutte rundt klokka sju.
Vinstar vert tekne i mot med takk!
Det vi være folk på skulen fredag frå kl 18, og søndag frå kl 14SveinOve - Ingen kommentarar
21 09 11 15:43Dugnad Gapahuken
Lørdag 24. sept kl 09 blir det stordugnad på gapahuken ved Veslevatnet; vi skal da skjære torve og få denne på taket. 4H vil ikke klare denne jobben uten hjelp fra bygdas folk - håper du har anledning å hjelpe til med denne storjobben!
For å kunne planlegge arbeidet, vg ta kontakt med Kjell Heggdal hvis du kan stille på, tlf 4824 9581
SveinOve - Berre en kommentar
19 07 11 12:37Er du klar for Traudalsnibba i kveld?
Har vore spent på veret, om det held seg eller om det blir ringare. Førebels (kl 14.00) ser det greitt ut, men vi får no sjå, meldingane seier at det skulle bli dårlegare utover kvelden og natta.Atle - femten kommentarar
11 07 11 21:53Blir det Hyentur?
Det er ikkje turver nett no, men meldingane for morgonkvelden er brukbare. Om det er lageleg ver vil eg råde til turstart kr 18.00, det er tross alt tre kvarter å køyre. Turen frå Ronggkleiva via Rombergvatnet og Mjellemstøylen vart gått også i fjor, men då var det mange som ikkje var med. Kanskje lagar det seg denne gongen?Atle - tre kommentarar
06 07 11 14:03Ein nydeleg kveldstur til Trollenyken
Snakk om å vere heldige med veret. Det var heitt å gå oppover i skogen, men oppe på fyrste platået ved Skipenessætra opna landskapet seg, og deretter var det fint å gå. Og for ei utsikt vi fekk, innover Hyefjorden mot Holme, Gloppefjorden, Grodås, Ålfoten og langt utover Nordfjorden. Vi var ikkje åleine oppe denne kvelden, men var vel kanskje dei som brukte mest tid på toppen, for vi tok 23-ferja tilbake. Råsa var fast og fin, og stort sett tørr heile vegen, lett å finne var den og.Atle - Ingen kommentarar
04 07 11 20:55Trollenyken på tysdag?
Blir veret som måndagskvelden er det laga for Eidatur, men om skyene heng nedover fjella er det ikkje eigna til å gå den turen. Det er steikjande vanskeleg å seie det no, så eg må be dokke om å vurdere dette ved å sjekke skylaget. Dersom det er Trollenyken ver må vi starte tidlegare enn vanleg. Då bør vi reise over med kvart over seks ferja. Turen opp tek ca to timar, kanskje litt i underkang, og der er ein fantastisk fin utsikt, blant anna innover mot Hyen og Gloppefjorden. Ved lageleg TN-ver må vi satse på frammøte seinast ti på seks ved skulen.For dei som ikkje veit det er Trollenyken det fjellet vi ser rett over inngangen til Lotetunellen på vår side. Den ligg på rett under 900 moh, så det er ikkje så stygghøgt, men vi startar nesten ved havnivå så det er bra stigning. Råsa slynger seg oppover mot Skipenessætra, tek deretter litt til venstre og går vidare opp gjennom lia mot toppen.Atle - Ingen kommentarar
28 06 11 09:19Tysdagstur i kveld
Det høljar ned og dei melder 5-års flaum. Det er difor uaktuelt å gå på oppsett tur i kveld. Men eg ser ikkje bort frå at nokon vil ha ein kveldstur i regnet, i så fall må ein møte til vanleg tid.Atle - tre kommentarar
21 06 11 21:47Vår fyrste tur til Øykjeheia
No skal eg fortelje dokke om korleis det var å køyre/gå frå skulen til Øykjeheia, minutt for minutt. Altså: Vi starta ved skulehuset halv sju, køyrde ned Gjærabakkjen og over Jardølsbruna før vi køyrde opp Smøgabakkjen...
Vi var berre tre i kveld, sjølv om veret var rett så fint til turgåing. Og for alle var dette fyrste gongen vi gjekk denne turen. Vi gjekk råsa innover dalen lenge, for lenge, før vi tok opp mot heia. Og eg trur at vi kan setje namna vår på dei traseane vi valde, ingen kan ha gått der før, og ingen treng å gå der for ettertida. Vel oppe skreiv vi oss inn i hytteboka og rasta litt før vi fann den eigentlege råsa ned att. Og då såg vi også kor vi bomma. Ikkje altfor godt merka med andre ord, og då er det særleg starten i vedgdelet der vi gjekk feil eg tenkjer på. Vi var nede att på Nesstøylen litt over 10, og det på den lysaste kvelden i året.
Atle - Berre en kommentar
20 06 11 21:08Som vanleg litt usikker på veret dagen før
Men det kan kanskje bli ver til ein tur på Øykjeheia i morgon. Turen går i så fall frå Nesstøylen/Ytre Kandalsstøylen og inn og opp fjellsida til vatnet på 887 moh. Ca 450 meter stigning med andre ord. Kan vere litt vassføring i elvar og grøver, så ver budd på det. Tenk også at det kan kome ei bye, dei vi har hatt dei siste dagane har vore våte og ikkje langvarige.Atle - Berre en kommentar
13 06 11 19:11Dårlege meldingar for i morgon
gjer at eg ikkje torer å seie noko vetigt om tysdagsturen denne veka. Meldinga er slik at det ikkje er tilrådeleg med fjelltur, i alle fall ikkje i høgda. I skrivande stund reknar eg difor ikkje med at det blir tur til Nautskorklumpen som er sett på lista denne datoen. Så det blir opp til dei frammøtte å bli einig om vegvalet vil eg tru.Atle - Ingen kommentarar
07 06 11 20:14Vi delte oss i kveld
Det var ikkje veir til å reise til Hyen, til det låg skodda for tjukke rundt lång ned i fjellja. Difor vart det to lokale turar med utgangspunkt frå skulen. Eine gruppa på tre gjekk opp til Veslevatnet langs vegen og ned att til Mardal. Den andre gruppa på fire utfordra skjebnen i form av slepne ræser og gjekk opp Høgane, Hjellhola, Kloppa, Høgebruna, Nilsholevegen til Kvitegrova og deretter tilbake til skulen. Dei lokalkjende og dei som var med veit kvar dette er. Det var vått i terrenget og stor luftfuktigheit, men det var fin temperatur og opplett heile tida.Atle - Berre en kommentar
11:34Jardalsvegen
Støypearbeidet er ferdig etter ein flott innsats av Anders & Co. Vegen er opna for personbilar og lette køyretøy.Traktor og lastebil lyt nok vente til månadskiftet før dei kan køyre over brua.
Jon Finstad
SveinOve - Ingen kommentarar