26 04 11 21:28Det var tungt å gå til Veten i kveld
I alle fall for nokon av oss. Det er gjerne slik når ein har lege i vinterdvale i nokre månader. Pusten og beinstyrken er ikkje som seinhausten etter mange turar. Når det er sagt var det ein fin kveld å gå i. Vi var 15 stk som gjekk turen som Buktatur, i tre puljer der eine gjekk opp frå Almenningen. Det var dessutan fleire som gjekk der, råsa er mykje brukt til slike nærturar gjennom heile året, nokon spring nesten medan andre går fort. Vi er dei einaste som går sånn passeleg, det betyr lett for nokon og tyngre for andre.Atle - Ingen kommentarar
14:04BLI MED TURBO FJELLREV PÅ
SYKKELTUR I BUKTA
LØRDAG 30.APRIL KL.13:00Oppmøte ved gamle Mardal skule. Det blir sykkeltur i Bukta denne lørdagen. Sykkelløypa er om lag 4 km og går på gruslagt veg. Løypa er godt merka med teikningar av TurboFjellrev.
Det blir nokre enkle dugleiksprøver på sykkel undervegs. Start og mål ved gamle Mardal skule. 
Den store ”ekte” Turbo Fjellrev kjem også! Kanskje har han noko kjekt med seg i sekken?
Husk å ta med sykkel, hjelm og gjerne refleksvest – samt drikke, niste, sitteunderlag og turpass (for dei som har det).
Vi fyrer opp i bålpanna om veret tillet det. Foreldra har ansvar for eigne barn på aktivitetane i Barnas Turlag.
Turleiarar er Marit og Inge Bjarte. Har de spørsmål, ta gjerne kontakt på tlf. 91 73 08 03 (Marit)
VELKOMEN TIL TURBOTUR!
SveinOve - Ingen kommentarar
09:26Tur til Veten
Oppstarten av tysdagsturane i 2011 går frå Valborgkleiva til Veten, med retur til same staden. Det kan vere litt vått i terrenget der inne, men truleg ikkje så mykje snø å trakke i sidan det har gått folk der heile vinteren. Veret blir lageleg også ser det ut til, men ta med klebyte etter gammal vane, og hals/hue/hanskar for å ta av for trekkjen. Kvikklunch er også veleigna i år.Atle - Berre en kommentar
19 04 11 16:12Påskebingo og PUB
Onsdag er det klart for påskebingo med påfølgande pub.Vi startar opp med bingo klokka 19, og reknar med å være ferdige ca kl 21. Deretter brakar det laust med pub, og vi kan også love ein quiz i løpet av kvelden.
Vi håpar at mange ser fram til ein spanande kveld på Mardal skule. I tillegg til lausslupne tal kan vi freiste med både lett mat og drikke. Være velkomne og spre det glade bodskap!
SveinOve - Ingen kommentarar
15 04 11 18:31BuktA 4H
har plakettfest i skulehuset i morgon, laurdag. Tenkte det kan nemnast her også sjølv om dei fleste har fått det med seg via annonse i FT. Var det ikkje kl 19. der skulle start skal tru.??Atle - Ingen kommentarar
03 04 11 01:18Buktabladet er i handelen
Bladet er no kome til bygda og fordelt ut. Reidun og Aase har fått og startar salet tordag. Sosialen har og fått og fordelar ut til Mardal Rør. Og dørselgarane har fått sine. Det kan tenkjast at mardølingane må smørje seg med tolmod sidan seljaren der er oppteken med Breimskoret si oppføring i helga. I så fall kjem ho på runda i neste veke. Bladet er trykt i fargar og på glansa papir. Den tekniske kvaliteten er såleis svært bra vil eg seie. Innhaldet må de finne ut av sjølve. Litt variasjon er det i alle fall. God lesnad og God påske.Atle - Ingen kommentarar