Vi fann ikkje Skarvebu
Vi leita nok heller ikkje, men var nok for langt unna, truleg for lagt inne og kanskje ikkje høgt nok heller. Men det var ein fin tur uansett for oss 5 som gjekk. Vi gjekk oppover frå Rauset til klokka vart 21. Då stogga vi og tok ei kort matøkt før vi returnerte. Var såleis nede att i halv elleve tida. AA.R. ville gjere eit lite poeng av at ho vølte på støylsråsa, men eg trur ikkje vi skal nemne det. Vi såg utglidde steinar som vi ikkje la på plass, dei har vel ein olsokdugnad dei og får vi tru. Det var fint turver i dag, ikkje for kaldt og ikkje for heitt.
Om vi ikkje fann Skarvebu så kom vi over eit anna lite krypinn, nok til at Aase kunne legge seg inn og "aminnje" aldri så lite.
to kommentarar:
Eg vil nytte høvet til å takke GPS-Atle og mine tre medvandrarar Elise, Majken og Asbjørg for årets finaste tur så langt. Før vi drog visste vi ikkje kvar vi skulle, og etter at vi kom heim visste vi ikkje kvar vi hadde vore, om vi i det heile hadde vore der, men er det ikkje akkurat med dette som elles i sjølve livet, ei vandring utan fasit og førehandsbestemt mål?
Som Atle skriv – vi fann ikkje Skarvebu, berre ei skarve bu (Fotodokumentasjonen får kome til hausten). Men FOR ein tur!
Så vil eg gjerne kome med eit lite ynskje: Neste tur er til Svartekari. Der har eg aldri vore, men har hatt lyst å kome der i 50 år, så det er litt om å gjere for meg å greie det på den kveldsøkta vi har til diposisjon. Er det nokon der ute som kan vegen og som kan tenkje seg å starte før? Eg er tilgjengeleg heile tida etter nons.
Aase RS - 23 06 10 - 09:45
Kommentar til kommentaren: Føresetnad for å gje seg i veg til Svartekari er at det er opphaldsver, for sleipe steinar held eg meg helst langt unna. Ikkje vil eg ha skodde heller, men det er vel ingen andre som vil heller.
AaseRS - 24 06 10 - 16:02
Ingen tilbaketråkk: