Buktanavlen.no

�rsm�te 2012

Sat, 28 Jan 2012 21:24:00 +0100

Vi minner om årsmøte i Mardal krins;
Dato: Søndag 29. januar 2012 kl. 20.00
Møtestad: Mardal skule

Førebels sakliste:
1. Godkjenning av møteinnkalling
2. Årsberetning
3. Rekneskap
4. Val av nytt styre
5. Eventuelt.

Det vert lett servering.

Helsing krinsstyret

Juleverkstad

Sun, 04 Dec 2011 09:27:00 +0100

Vi minner om juleverkstaden på skulen i dag (søndag 4.12) kl 14.00.

BYGDAKVELD

Wed, 09 Nov 2011 14:02:00 +0100

Det vert bygdakveld på Mardal skule
søndag 13. november kl. 20.00

Program:
Tale ved Sjur Atle Austrheim
Musikk med Grannelaget
Kaffi/mat/åresal/bordkonkurranse

Vel møtt gamal som ung
- Bygdakveldkomiteen -

Julenummer Buktabladet

Sat, 05 Nov 2011 08:07:00 +0100

Vi ynskjer stoff til julenummeret også i år, som om du har noko på hjartet tek vi gjerne imot. Vi set innleveringsfristen til utgangen av november, og du kan sende inn stoff, helst i word-format, til mi epostkasse: atle.soreide@enivest.net.

Basar p� Mardal skule

Fri, 14 Oct 2011 16:23:00 +0100

Søndag 16. oktober kl. 16 er det klart for årets krinsbasar i Bukta. Vi håpar at mange vil ta seg tida til å møtast denne dagen, og vi kan freiste med god mat og drikke i tillegg til flotte vinstar og god stemning.

Vi reknar med å avslutte rundt klokka sju.

Vinstar vert tekne i mot med takk!

Det vi være folk på skulen fredag frå kl 18, og søndag frå kl 14

Dugnad Gapahuken

Wed, 21 Sep 2011 15:43:00 +0100

Lørdag 24. sept kl 09 blir det stordugnad på gapahuken ved Veslevatnet; vi skal da skjære torve og få denne på taket. 4H vil ikke klare denne jobben uten hjelp fra bygdas folk - håper du har anledning å hjelpe til med denne storjobben!

For å kunne planlegge arbeidet, vg ta kontakt med Kjell Heggdal hvis du kan stille på, tlf 4824 9581

Er du klar for Traudalsnibba i kveld?

Tue, 19 Jul 2011 12:37:00 +0100

Har vore spent på veret, om det held seg eller om det blir ringare. Førebels (kl 14.00) ser det greitt ut, men vi får no sjå, meldingane seier at det skulle bli dårlegare utover kvelden og natta.

Blir det Hyentur?

Mon, 11 Jul 2011 21:53:00 +0100

Det er ikkje turver nett no, men meldingane for morgonkvelden er brukbare. Om det er lageleg ver vil eg råde til turstart kr 18.00, det er tross alt tre kvarter å køyre. Turen frå Ronggkleiva via Rombergvatnet og Mjellemstøylen vart gått også i fjor, men då var det mange som ikkje var med. Kanskje lagar det seg denne gongen?

Ein nydeleg kveldstur til Trollenyken

Wed, 06 Jul 2011 14:03:00 +0100

Snakk om å vere heldige med veret. Det var heitt å gå oppover i skogen, men oppe på fyrste platået ved Skipenessætra opna landskapet seg, og deretter var det fint å gå. Og for ei utsikt vi fekk, innover Hyefjorden mot Holme, Gloppefjorden, Grodås, Ålfoten og langt utover Nordfjorden. Vi var ikkje åleine oppe denne kvelden, men var vel kanskje dei som brukte mest tid på toppen, for vi tok 23-ferja tilbake. Råsa var fast og fin, og stort sett tørr heile vegen, lett å finne var den og.

Trollenyken p� tysdag?

Mon, 04 Jul 2011 20:55:00 +0100

Blir veret som måndagskvelden er det laga for Eidatur, men om skyene heng nedover fjella er det ikkje eigna til å gå den turen. Det er steikjande vanskeleg å seie det no, så eg må be dokke om å vurdere dette ved å sjekke skylaget. Dersom det er Trollenyken ver må vi starte tidlegare enn vanleg. Då bør vi reise over med kvart over seks ferja. Turen opp tek ca to timar, kanskje litt i underkang, og der er ein fantastisk fin utsikt, blant anna innover mot Hyen og Gloppefjorden. Ved lageleg TN-ver må vi satse på frammøte seinast ti på seks ved skulen.For dei som ikkje veit det er Trollenyken det fjellet vi ser rett over inngangen til Lotetunellen på vår side. Den ligg på rett under 900 moh, så det er ikkje så stygghøgt, men vi startar nesten ved havnivå så det er bra stigning. Råsa slynger seg oppover mot Skipenessætra, tek deretter litt til venstre og går vidare opp gjennom lia mot toppen.

Tysdagstur i kveld

Tue, 28 Jun 2011 09:19:00 +0100

Det høljar ned og dei melder 5-års flaum. Det er difor uaktuelt å gå på oppsett tur i kveld. Men eg ser ikkje bort frå at nokon vil ha ein kveldstur i regnet, i så fall må ein møte til vanleg tid.

V�r fyrste tur til �ykjeheia

Tue, 21 Jun 2011 21:47:00 +0100

No skal eg fortelje dokke om korleis det var å køyre/gå frå skulen til Øykjeheia, minutt for minutt. Altså: Vi starta ved skulehuset halv sju, køyrde ned Gjærabakkjen og over Jardølsbruna før vi køyrde opp Smøgabakkjen...

Vi var berre tre i kveld, sjølv om veret var rett så fint til turgåing. Og for alle var dette fyrste gongen vi gjekk denne turen. Vi gjekk råsa innover dalen lenge, for lenge, før vi tok opp mot heia. Og eg trur at vi kan setje namna vår på dei traseane vi valde, ingen kan ha gått der før, og ingen treng å gå der for ettertida. Vel oppe skreiv vi oss inn i hytteboka og rasta litt før vi fann den eigentlege råsa ned att. Og då såg vi også kor vi bomma. Ikkje altfor godt merka med andre ord, og då er det særleg starten i vedgdelet der vi gjekk feil eg tenkjer på. Vi var nede att på Nesstøylen litt over 10, og det på den lysaste kvelden i året.

Som vanleg litt usikker p� veret dagen f�r

Mon, 20 Jun 2011 21:08:00 +0100

Men det kan kanskje bli ver til ein tur på Øykjeheia i morgon. Turen går i så fall frå Nesstøylen/Ytre Kandalsstøylen og inn og opp fjellsida til vatnet på 887 moh. Ca 450 meter stigning med andre ord. Kan vere litt vassføring i elvar og grøver, så ver budd på det. Tenk også at det kan kome ei bye, dei vi har hatt dei siste dagane har vore våte og ikkje langvarige.

D�rlege meldingar for i morgon

Mon, 13 Jun 2011 19:11:00 +0100

gjer at eg ikkje torer å seie noko vetigt om tysdagsturen denne veka. Meldinga er slik at det ikkje er tilrådeleg med fjelltur, i alle fall ikkje i høgda. I skrivande stund reknar eg difor ikkje med at det blir tur til Nautskorklumpen som er sett på lista denne datoen. Så det blir opp til dei frammøtte å bli einig om vegvalet vil eg tru.

Vi delte oss i kveld

Tue, 07 Jun 2011 20:14:00 +0100

Det var ikkje veir til å reise til Hyen, til det låg skodda for tjukke rundt lång ned i fjellja. Difor vart det to lokale turar med utgangspunkt frå skulen. Eine gruppa på tre gjekk opp til Veslevatnet langs vegen og ned att til Mardal. Den andre gruppa på fire utfordra skjebnen i form av slepne ræser og gjekk opp Høgane, Hjellhola, Kloppa, Høgebruna, Nilsholevegen til Kvitegrova og deretter tilbake til skulen. Dei lokalkjende og dei som var med veit kvar dette er. Det var vått i terrenget og stor luftfuktigheit, men det var fin temperatur og opplett heile tida.

Tysdagsturar 2011

Thu, 01 Apr 2010 11:05:00 +0100

Turane startar normalt med frammøte ved Mardal skule kl 18.30. Nokre gongar, og då spesielt på lengre turar, startar vi før og tidspunktet blir skreve inn på heimesida for kvar gong før turdagen.

26.04 Valborgkleiva - Veten

03.05 Hennebygda - Logg -Øvre Åsane

10.05 Holvikfossen - Engeset

17.05 Øyra (med hornmusikk)

24.05 Arnestad - Arnestadfjellet

31.05 Hamneset Eid med guide

07.06 Hennebygda - Henneskaret

14.06 Rongkleiva - Nautskorklumpen

21.06 Nesstøylen - Øykjeheia

28.06 Bolsetnipa (Jølster)

05.07 Trollenyken Eid

12.07 Rongkleiva - Rombergvatnet - Mjellemstøylen

19.07 Traudalsnibba

26.07 Kandal - Blådalen

02.08 Gimmestadkjørrdalen

09.08 Klype - Gjengedal

16.08 Tystadstøylen - Almestøylen

23.08 Høgane - Hjellhola - Kraftstasjonen - Storegjæret

Arrangement 2010

Wed, 17 Mar 2010 18:03:00 +0100

Onsdag 31. mars: Bingo & påskepub

Mandag 3. mai: Dugnad

Mandag 17. mai: Feiring

Onsdag 23. juni: Jonsokfeiring

Søndag 26. september: Krinsbasar

Fredag 22 oktober: Bingo & haustpub

Søndag 14. november: Bygdakveld

Søndag 5. desember : Juleverkstad

Tirs 4. juledag: Fjerdedagsfest

Lørdag 1. nyttårsdag 2010: Jule/nyttårspub

Søndag 30. januar 2011: Årsmøte

AKTIVITETSKALENDAR

Mon, 01 Dec 2008 11:12:00 +0100

Ønskjer du å leige skulehuset?
Sjekk først Aktivitetskalendaren for ledige dagar